Non nago?  >  Entremanos  >  Nortzuk gara

ENTREMANOS 2001ean sortu zen APNABIk sustatuta eta babestuta. Izaera propioa duen elkarte bat da, helburutzat daukana lan aukerak sortzea ezintasunak dituzten pertsonentzat (bereziki AENa duten bizkaitarrentzat), eskubide osoko hiritar bezala aitortuak izan daitezen.

GURE MISIOA

ENTREMANOS elkartearen misioa da ezintasunak dituzten (bereziki AEN-ak) pertsonen bizi-kalitatea hobetzea. Horretarako, lan munduan eta gizartean sartzenlaguntzen zaie erantzun indibidualizatua eskainiz.

GURE BALOREAK

Etika

Gure lanaren oinarrizko ardatza da, FEAPSen kode etikoan oinarritzen gara eta pertsonekin, antolakundearekin eta gizartearekin konprometituta gaude.

Gizarteratzea

Gure eguneroko lanaren ikuspegi orokorra da. Pentsatzen dugu gure ekintza guztiak parametro inklusibo eta komunitarioetarantz bideratu behar ditugula.

Parte-hartze soziala

Pentsatzen dugu gizartean presentzia izan behar dugula, ezintasunak dauzkatenei ahotsa emateko eta eurentzako aukerak sortzeko. Halaber, gure elkartean parte hartzea eskaini behar diogu gizarteari eta zehazkiago pertsona horiei, beren familiei eta profesionalei.

Arreta integrala

Arreta integrala eskaintzen diegu gure laguntza jasotzen duten pertsonei, horrela lortzen baitugu beren gustuak ezagutzea, beharrizanak ebaluatzea, emaitzak lortzea eta komunitatean loturak garatzea, betiere plangintza indibidualaren bidez eta bizi ziklo osoan zehar bizi-kalitate handia lortzen dela bermatuz.

Bikaintasuna

Kalitatea, ezagutza eta ikerketa dira gure helburuak, horrela gai izango baikara pertsonei eta gizarteari zerbitzu paregabea eskaintzeko, lanarekin konprometituta dauden langileen laguntzaz.

Arreta espezializatua

Gurea bokazio unibertsaleko antolakundea izanik ere, guretzat oso garrantzitsua da arreta espezializatua ematea pertsona guztiei eta bereziki AEN-a dutenei eta beren familiei.